انٹر نیٹ سب میرین کیبل میں خرابی دور کر دی: پی ٹی اے
پاکستان ٹیلی کمیونیکیشن اتھارٹی (پی ٹی اے) نے تصدیق کی ہے کہ بین الاقوامی سب میرین کیبل سسٹم "SEA-ME-WE 5” (SMW5) کو مکمل طور پر بحال کر دیا گیا ہے، جس کے بعد پاکستان بھر میں انٹرنیٹ ٹریفک معمول پر آ گئی ہے۔
پی ٹی اے حکام کے مطابق ایس ایم ڈبلیو 5 کیبل کی بحالی سے انٹرنیٹ کی اس معطلی کا خاتمہ ہو گیا ہے جس نے جمعرات کی رات سے صارفین کو متاثر کر رکھا تھا۔ کیبل کی مرمت اور بحالی کے بعد تمام انٹرنیٹ ٹریفک نارمل ہو چکی ہے اور سروسز حسب معمول کام کر رہی ہیں۔
یہ بھی پڑھیں: استعمال شدہ گاڑیوں کی درآمد پر اضافی ڈیوٹی میں کمی
انٹرنیٹ سروس میں یہ خلل ایس ایم ڈبلیو 5 سب میرین کیبل میں خرابی کے باعث آیا تھا، جس سے ٹرانس ورلڈ ایسوسی ایٹس (TWA) کی بین الاقوامی آئی پی ٹرانزٹ کیپیسٹی کا ایک بڑا حصہ متاثر ہوا تھا۔
The Pakistan Telecommunication Authority (PTA) announces that the fault affecting the SEA-ME-WE 5 (SMW5) international submarine cable system has been rectified. The submarine cable is now fully operational, and internet services across Pakistan have been restored to normal… pic.twitter.com/ScJUlF12wv
— PTA (@PTAofficialpk) July 3, 2026
سروسز کے تعطل کو کم سے کم کرنے کے لیے انٹرنیٹ ٹریفک کو متبادل بین الاقوامی لنکس پر منتقل کیا گیا تھا، جبکہ ٹرانس ورلڈ ایسوسی ایٹس نے کنیکٹیویٹی کی بحالی کے لیے ایس ایم ڈبلیو 5 کنسورشیم کے ساتھ مل کر کام کیا۔
حکام کا کہنا ہے کہ پی ٹی اے نے اس پورے واقعے کے دوران ٹرانس ورلڈ اور دیگر اسٹیک ہولڈرز کے ساتھ مل کر کام کیا اور سروسز کی جلد از جلد بحالی کے لیے صورتحال کی مسلسل نگرانی کی۔
پی ٹی اے حکام نے اب تصدیق کی ہے کہ ایس ایم ڈبلیو 5 کیبل کے مکمل فعال ہونے کے بعد ملک بھر میں انٹرنیٹ سروسز مستحکم ہو چکی ہیں اور ٹریفک معمول پر آ گئی ہے۔
