ذرائع کے مطابق، میٹا نے اعلان کیا ہے کہ واٹس ایپ اب اسٹیٹس اور چینلز میں اشتہارات دکھائے گا، جہاں کاروباری ادارے اپنی مصنوعات کی تشہیر کر سکیں گے۔ اس کے علاوہ، پروموٹڈ چینلز کا فیچر بھی پیش کیا جا رہا ہے، جو صارفین کی دلچسپی کی بنیاد پر نمایاں کیا جائے گا۔
اطلاعات کے مطابق، واٹس ایپ پر پریمیم چینلز متعارف کیے جا رہے ہیں، جن میں صارفین مخصوص مواد تک رسائی حاصل کرنے کے لیے ماہانہ فیس ادا کریں گے۔ اس اقدام سے کریئیٹرز اور تنظیموں کو اپنی نشریات مونیٹائز کرنے میں مدد ملے گی۔
یہ بھی پڑھیں:ایپل آئی فون 17 پرو میکس، جدید ٹیکنالوجی کا شاہکار
میٹا انتظامیہ نے واضح کیا ہے کہ یہ اشتہارات اور سبسکرپشنز صارفین کے ذاتی پیغامات، کالز اور گروپس پر اثر انداز نہیں ہوں گے۔ کمپنی کے مطابق، تمام کمیونیکیشن اینڈ ٹو اینڈ انکرپٹڈ رہے گی، اور اشتہارات ذاتی ڈیٹا کی بنیاد پر نہیں، بلکہ زبان، لوکیشن اور چینلز کی ترجیحات کے مطابق دکھائے جائیں گے۔
یہ فیچرز مرحلہ وار متعارف کروائے جا رہے ہیں، اور آئندہ چند ماہ میں دنیا بھر میں دستیاب ہوں گے۔ مزید تفصیلات کے لیے واٹس ایپ کی آفیشل ویب سائٹ یا میٹا کے اعلامیہ سے رجوع کریں۔
