لائیو سبسکرپشن فیچر کے تحت مواد اپلوڈ کرنے والے صرف لائیو خصوصی ویڈیوز کے ذریعے پیسے کمانے کے اہل ہی ہوتے تھے اور یہ فیچر فقط بڑے مواد تخلیق کاروں کو ہی میسر تھا۔

اب کمپنی نے اسے مزید آسان کردیا ہے،لیکن اب بھی یہ فیچر 10 ہزار سے کم فالوورز رکھنے والے صارفین کیلئے نہیں ہے۔

ٹک ٹاک کے مطابق  مذکورہ فیچر کے تحت اب جس صارف کے فالوورز کی تعداد 10 ہزار سے تجاوز کر گئی اور اس کی عمر 18 سے زیادہ ہو تو وہ لائیو ویڈیوز کے بغیر بھی اچھے خاصے پیسے کما سکیں گے۔

اسی طرح لازمی یہ بھی لازمی ہے کہ مذکورہ اکاؤنٹ کے گزشتہ ماہ ایک لاکھ ویوز رہے ہوں، تب ہی وہ اکاؤنٹ لائیو سبسکرپشن کے فیچر کے تحت پیسے کما سکے گا۔

واضح رہے کہ نئے فیچر کے تحت نہ صرف لائیو ویڈیوز بلکہ دیگر مختلف اہم ویڈیوز کو بھی گروپس اور چیٹس میں بھی شیئر کیے جانے سے پیسے کمائے جا سکیں گے۔

یاد رہے کہ اس فیچر کے تحت صارفین سبسکرپشن کے آپشن کے ذریعے اپنے فالوورز سے رقم وصول کرتے ہیں،فیس دینے کے عوض فالوورز کو مختلف مواد تک رسائی میسر ہوتی ہے۔

سبسکرپشن فیچرز پاکستان کے باہر بہت زیادہ مقبول ہیں،خاص طور پر یہ فیچرز امیر ممالک میں اچھی کاصی آمدنی کا ذریعہ ہیں۔