معروف کبڈی کھلاڑی کی اہلیہ نے خودکشی کر لی
بھارتی میڈیا کے مطابق پولیس نے واقعے کی تحقیقات شروع کر دی ہیں جبکہ فرانزک ٹیم نے جائے وقوعہ سے شواہد اکٹھے کر لیے ہیں۔
رپورٹس کے مطابق واقعہ گزشتہ روز دوپہر میں پیش آیا، اہلِ خانہ کی اطلاع پر پولیس فوری طور پر موقع پر پہنچی اور قانونی کارروائی کا آغاز کیا۔ حکام کا کہنا ہے کہ ابتدائی تحقیقات جاری ہیں اور واقعے کی اصل وجوہات کا تعین تفتیش مکمل ہونے کے بعد ہی کیا جا سکے گا۔
پولیس کے مطابق فی الحال موت کی وجہ کے بارے میں حتمی طور پر کچھ نہیں کہا جا سکتا، تاہم مختلف پہلوؤں سے تحقیقات کی جا رہی ہیں، فرانزک رپورٹ اور دیگر شواہد کی روشنی میں آئندہ کارروائی عمل میں لائی جائے گی۔
بھارتی میڈیا کے مطابق مسکان کی شادی دسمبر 2023ء میں بین الاقوامی کبڈی کھلاڑی شیلو بلہارا سے ہوئی تھی۔ نومبر 2025ء میں ان کے ہاں بیٹے ہاردیک کی پیدائش ہوئی، جس کے بعد یہ خاندان ہریانہ میں مقیم تھا۔
بھارتی میڈیا کے مطابق پولیس نے بتایا ہے کہ ابتدائی طور پر خودکشی کی وجہ معلوم نہیں ہو سکی۔
رپورٹس میں یہ بھی بتایا گیا ہے کہ مسکان نے واقعے سے ایک روز قبل اپنے سوشل میڈیا اکاؤنٹ پر ایک پنجابی گانے پر مبنی ویڈیو شیئر کی تھی، تاہم پولیس نے واضح کیا ہے کہ اس ویڈیو اور واقعے کے درمیان کسی بھی ممکنہ تعلق کے بارے میں فی الحال کوئی حتمی نتیجہ اخذ نہیں کیا گیا۔
یہ بھی پڑھیں:الجیریا میں خوفناک بس حادثہ، 25 افراد ہلاک، 44 زخمی
تمام شواہد، بیانات اور فرانزک رپورٹ کا جائزہ لینے کے بعد ہی واقعے کی اصل نوعیت اور وجوہات سامنے آئیں گی۔ پولیس نے عوام سے بھی اپیل کی ہے کہ تحقیقات مکمل ہونے سے پہلے غیر مصدقہ اطلاعات یا قیاس آرائیوں سے گریز کیا جائے۔
