شعیب اختر کے بڑے بھائی شاہد اختر انتقال کرگئے
شعیب اختر نے اپنے سوشل میڈیا اکاؤنٹ کے ذریعے بھائی کے انتقال کی تصدیق کرتے ہوئے گہرے رنج و غم کا اظہار کیا۔ انہوں نے اپنے پیغام میں کہا کہ "انتہائی دکھ کے ساتھ یہ خبر شیئر کر رہا ہوں کہ میرے پیارے بڑے بھائی شاہد اختر اللہ سبحانہ وتعالیٰ کے حضور حاضر ہو گئے ہیں۔"
خاندانی ذرائع کے مطابق شاہد اختر گزشتہ کئی برسوں سے شعیب اختر کے پبلک ریلیشنز (پی آر) مینیجر کے طور پر خدمات انجام دے رہے تھے اور مختلف عوامی و پیشہ ورانہ امور میں ان کے قریبی معاون سمجھے جاتے تھے۔
یہ بھی پڑھیں: آئی سی سی نے دوران کیریئر ’ماں‘ بننے والی کھلاڑیوں کیلیے نئے اصول متعین کر دیے
شاہد اختر کی نمازِ جنازہ آج اسلام آباد میں ادا کی جائے گی، جس میں اہل خانہ، عزیز و اقارب، دوست احباب اور مختلف شعبہ ہائے زندگی سے تعلق رکھنے والی شخصیات کی شرکت متوقع ہے۔
— Shoaib Akhtar (@shoaib100mph) June 23, 2026
شاہد اختر کے انتقال کی خبر سامنے آنے کے بعد کرکٹ اور سماجی حلقوں کی جانب سے افسوس اور تعزیت کا اظہار کیا جا رہا ہے، جبکہ مداحوں نے مرحوم کے درجات کی بلندی اور اہل خانہ کے لیے صبر جمیل کی دعا کی ہے۔
