سٹار ریسلر ہوگن کی موت کیسے ہوئی؟ تحقیقات میں سب سامنے آگیا
ہلک ہوگن 11 اگست 1953 کو جارجیا کے شہر آگسٹا میں پیدا ہوئے، انہوں نے فلوریڈا میں ریسلنگ کی دنیا میں قدم رکھا اور جلد ہی شہرت کی بلندیوں پر پہنچ گئے۔
انہوں نے پٹھے دار جسم اور "24 انچ پائتھونس" کے طور پر شہرت حاصل کرنے کے بعد ریسلنگ کے کئی بڑے ایونٹس میں حصہ لیا، گزشتہ برس جولائی میں وہ 71 برس کی عمر میں چل بسے۔
امریکی ریاست فلوریڈا کے شہر کلیئر واٹر پولیس ڈیپارٹمنٹ کی رپورٹ کے مطابق ہلک ہوگن کی موت میڈیکل ایمرجنسی کے باعث ہوئی اور ان کی موت میں کسی قسم کے مجرمانہ عمل یا سازش کے شواہد تحقیقات کے نتیجے میں سامنے نہیں آئے۔
پولیس کی جانب سے جاری رپورٹ میں کہا گیا کہ تفصیلی تحقیقات کے بعد کیس کو باضابطہ طور پر بند کر دیا گیا ہے، ہلک ہوگن کی موت قدرتی بیماری کے باعث ہوئی، تحقیقات میں کسی جسمانی تشدد کے آثار نہیں ملے اور نہ ہی زہریلے مادوں یا دیگر بیرونی عوامل کا کوئی ثبوت مل سکا ہے۔
یہ بھی پڑھیں: معروف امریکی ریسلر ہلک ہوگن 71 برس کی عمر میں چل بسے
رپورٹ کے مطابق جولائی 2025ء میں ہلک ہوگن ریاست فلوریڈا میں اپنی رہائش گاہ جان کی بازی ہار گئے تھے، ریسکیو اہلکاروں نے موقع پر پہنچ کر انہیں ابتدائی طبی امداد دی، جس کے بعد انہیں ہسپتال بھی منتقل کیا گیا لیکن وہ جانبر نہ ہو سکے۔
