مشفق الرحیم نے عمران خان کا ریکارڈ توڑ دیا
گزشتہ روز پاکستان کے خلاف ٹیسٹ میچ کھیل کر مشفق الرحیم طویل ترین ٹیسٹ کیریئر والے دوسرے ایشین کھلاڑی بن گئے ہیں۔ مشفق الرحیم کا ٹیسٹ کیریئر 20 سال 351 دن پر محیط ہے۔ اس کے ساتھ ہی انہوں نے پاکستان کے سابق کپتان عمران خان کا 20 سال 218 دن کا ریکارڈ توڑ دیا۔
یہ بھی پڑھیں: شاہد آفریدی کی اپنے نواسے کیساتھ ویڈیو وائرل
مشفق الرحیم کا یہ ریکارڈ ایک سنگ میل کی حیثیت رکھتا ہے اور وہ اس وقت دوسرے ایشین کھلاڑی ہیں جن کے ٹیسٹ کیریئر نے اتنی طویل مدت پر محیط ہے۔ ان سے آگے سابق بھارتی کپتان سچن ٹنڈولکر ہیں جن کا ٹیسٹ کیریئر 24 سال ایک دن پر محیط تھا۔ سچن ٹنڈولکر کا کیریئر کرکٹ کی تاریخ میں ایک غیر معمولی سنگ میل سمجھا جاتا ہے، اور اب مشفق الرحیم نے ایشین کھلاڑیوں میں اپنی پوزیشن مضبوط کی ہے۔
پاکستان کے سابق کپتان عمران خان اب 20 سال 218 دن کے ساتھ طویل ترین ٹیسٹ کیریئر میں تیسرے ایشین کھلاڑی بن گئے، عمران خان کی کرکٹ کیریئر کے دوران پاکستان کو کئی اہم کامیابیاں حاصل ہوئیں، اور انہوں نے 1992 کے کرکٹ ورلڈ کپ میں پاکستان کو فتح دلا کر تاریخ رقم کی۔ عمران خان کے بعد مشفق الرحیم نے اپنی محنت اور لگن سے یہ ریکارڈ اپنے نام کیا ہے۔
واضح رہے کہ مشفق الرحیم بنگلادیش کی جانب سے 100 ٹیسٹ میچز کھیلنے والے واحد کھلاڑی بھی ہیں۔ انہوں نے اپنی ٹیم کے لیے بے شمار یادگار اننگز کھیلی ہیں اور اپنی قائدانہ صلاحیتوں سے بنگلادیش کرکٹ کو ایک نیا رخ دیا ہے۔ مشفق الرحیم کے اس ریکارڈ کے بعد بنگلادیش کرکٹ ٹیم میں ان کی اہمیت اور بڑھ گئی ہے، اور ان کے اس کارنامے نے انہیں عالمی کرکٹ میں ایک نئی پہچان دی ہے۔
