پی ایس ایل میں دو نئی ٹیموں کی نیلامی کیلئے تقریب اسلام آباد میں منعقد ہوئی، سوئنگ کے سلطان سابق کرکٹر وسیم اکرم نے نیلامی کے عمل کی میزبانی کی، تقریب میں پاکستان کرکٹ بورڈ (پی سی بی) کے چیئرمین محسن نقوی اور وفاقی وزرا سمیت بڑی تعداد میں کھلاڑی اور حکام شریک ہوئے۔
تقریب کے آغاز میں نیلامی میں حصہ لینے والے 9 بڈرز اور 6 ممکنہ شہروں کا تعارف کرایا گیا، اس کے بعد چیئرمین پی سی بی محسن نقوی نے گھنٹی بجا کر نیلامی کھلنے کا باضابطہ اعلان کیا۔
پی ایس ایل کی ساتویں ٹیم کی نیلامی کے لئے بنیادی قیمت ایک ارب 10 کروڑ روپے رکھی گئی جبکہ بولی کا عمل ایک ارب 11 کروڑ سے شروع ہوا، ایف کے ایس نے ایک ارب 75 کروڑ روپے میں پی ایس ایل کی ساتویں ٹیم خرید لی اور ٹیم کا نام حیدر آباد رکھا۔
Winning moments of FKS with the successful bid for Team No. 7️⃣ of #HBLPSL 👏
— PakistanSuperLeague (@thePSLt20) January 8, 2026
Hyderabad fans are you ready?
📺 Watch LIVE on the PSL YouTube channel & the PCB Live app (UK region)
🔗 https://t.co/HNapgvqaqu#NewEra pic.twitter.com/gaHvqNluzb
پاکستان سپر لیگ کی آٹھویں ٹیم کی نیلامی کے لئے بولی کا آغاز ایک ارب 71 کروڑ روپے سے ہوا، اوزی ڈویلپرز نے ایک ارب 85 کروڑ روپے کی کامیاب بولی دے کر ٹیم خرید لی اور ٹیم کے نام کے لئے سیالکوٹ کا انتخاب کیا۔
Winning moments of OZ Group with the successful bid for Team No. 8️⃣ of #HBLPSL 👏
— PakistanSuperLeague (@thePSLt20) January 8, 2026
Sialkot fans are you ready? #NewEra pic.twitter.com/qbjtmc13bB
چیئرمین پی سی بی محسن نقوی نے ٹیم کے مالکان کے ساتھ حیدرآباد اور سیالکوٹ کے عوام کو مبارکباد دی اور کہا کہ اگلے دس سال میں پی ایس ایل کو بہت آگے لے جانا ہے، یہ ایک بہت بڑی کامیابی ہے، نئی فرنچائز کے مالکان نے پی سی بی پہ اعتماد کا اظہار کیا ہے اس کے لیے مشکور ہیں۔
محسن نقوی کا کہنا تھا کہ یہ کامیابی پاکستان کے عوام کی کامیابی ہے، جن لوگوں نے اس عمل میں حصہ لیا ان کا دل سے شکریہ ادا کرتا ہوں، یہ اعتماد پاکستان پہ اعتماد ہے، کرکٹ سے لگاؤ اور پاکستان سے محبت کا اظہار ہے، ہم سب مل کر اس ملک کو وہاں تک لے کر جائیں گے جو ہم نے ذہن میں خاکہ بنا رکھا ہے۔
چیئرمین پی سی بی نے کہا کہ پی سی بی، پی ایس ایل کے تمام ممبرز اور روڈ شوز میں حصہ لینے والے خصوصاً سلمان نصیر کو بھی مبارک باد دیتا ہوں، ان کی محنت کے بغیر یہ ممکن نہیں تھا، آج کی جو بڈنگ ہوئی ہے اس سے 36 ارب روپے پی سی بی کو آئیں گے، آج کی نیلامی چند روز قبل پی آئی اے کی ہونے والی بڈنگ کا تسلسل ہے۔
یہ بھی پڑھیں: پی ایس ایل کے گیارہویں ایڈیشن کی تاریخوں کا اعلان
ان کا کہنا تھا کہ مجھے فخر محسوس ہو رہا ہے کہ بڈنگ سے حاصل ہونے والی رقم کھیلوں کے فروغ پر خرچ ہو گی، پی ایس ایل فرنچائز کے فروخت پر پاکستانی فخر محسوس کر رہے ہیں، ٹیمیں خریدنے والے مالکان کو پی سی بی کی طرف سے مکمل تعاون کی یقین دہانی کراتے ہیں۔
سی ای او پاکستان سپر لیگ سلمان نصیر کا کہنا تھا کہ پی ایس ایل نے دس سال میں کئی سنگ میل عبور کیے، لیگ کی کامیابی میں فرنچائز اور سپانسرز کا کردار اہم رہا۔
