سابق فاسٹ باؤلر تنویر احمد نے کہا کہ اگر نسیم شاہ کو بنگلہ دیش سیریز کے لیے منتخب کیا گیا تھا تو انہیں موقع کیوں نہیں دیا گیا ؟ انہوں نے نسیم شاہ کی پی ایس ایل میں ناقص کارکردگی کا حوالہ دیتے ہوئے کہا کہ ان کے باؤلنگ اسپیل میں وہ رفتار اور درستگی نظر نہیں آئی جو ایک معیاری فاسٹ باؤلر کے لیے ضروری ہوتی ہے۔

یہ بھی پڑھیں: تمام انٹرنیشنل کرکٹرز کیلئے ڈومیسٹک ٹورنامنٹ کھیلنا لازمی قرار

انہوں نے یہ بھی کہا کہ نسیم شاہ کی ٹیم میں شمولیت میں میرٹ کو نظر انداز کیا گیا اور ان کی اسلام آباد یونائیٹڈ سے وابستگی نے ان کے سلیکشن پر اثر ڈالا۔ سابق فاسٹ باؤلر نے الزام لگایا کہ قومی ٹیم کے ہیڈ کوچ بھی اسی فرنچائز سے تعلق رکھتے ہیں، جس کی وجہ سے نسیم شاہ کو ترجیح دی گئی۔

تنویر احمد نے مزید کہا کہ میر حمزہ اور عباس آفریدی جیسے باصلاحیت باؤلرز کو نظر انداز کرنا قابلِ افسوس ہے، حالانکہ انہوں نے پی ایس ایل میں شاندار کارکردگی دکھائی، سلیکشن میں میرٹ کو مقدم رکھا جائے تاکہ بہترین کھلاڑی قومی ٹیم میں جگہ بنا سکیں۔