مسلم دنیا کی 500 بااثر شخصیات میں شہباز شریف اور عاصم منیر کی نمایاں پوزیشن

فہرست میں پاکستان سمیت مختلف مسلم ممالک کی اہم سیاسی، مذہبی اور سماجی شخصیات کو شامل کیا گیا ہے۔

جاری کردہ فہرست کے مطابق سعودی عرب کے فرمانروا شاہ سلمان بن عبدالعزیز اور ولی عہد شہزادہ محمد بن سلمان بھی مسلم دنیا کی نمایاں ترین بااثر شخصیات میں شامل ہیں۔

ترکیہ کے صدر رجب طیب اردوان نے پانچ بااثر ترین شخصیات میں جگہ بنائی ہے، جبکہ ایران کے سپریم لیڈر آیت اللہ مجتبیٰ خامنہ ای فہرست میں چوتھے نمبر پر ہیں۔

پاکستان سے تعلق رکھنے والی دیگر اہم شخصیات بھی اس فہرست کا حصہ ہیں، معروف عالم دین مفتی محمد تقی عثمانی اور مذہبی اسکالر مولانا طارق جمیل کو بھی مسلم دنیا کی 500 بااثر شخصیات میں شامل کیا گیا ہے۔

فہرست میں سال کی نمایاں مرد اور خاتون شخصیات کا انتخاب بھی کیا گیا ہے۔ غزہ کے کمال عدوان اسپتال کے سابق سربراہ ڈاکٹر حسام ابو صفیہ کو سال کی نمایاں مرد شخصیت قرار دیا گیا ہے، جبکہ ایران کے شہر میناب میں اسکول پر حملے میں زندہ بچ جانے والی طالبہ فاطمہ زہرا شیخ آبادی کو سال کی نمایاں خاتون شخصیت کا اعزاز دیا گیا ہے۔

اس فہرست میں مختلف شعبوں سے تعلق رکھنے والی شخصیات کی شمولیت مسلم دنیا میں ان کے اثر و رسوخ اور نمایاں کردار کی عکاسی کرتی ہے۔