نیاز اللہ نیازی انصاف لائرز فورم کے چیف آرگنائزر مقرر
پی ٹی آئی کے سیکرٹری جنرل سلمان اکرم راجہ نے سماجی رابطے کی ویب سائٹ ایکس (X) پر جاری بیان میں بتایا کہ بانی پی ٹی آئی عمران خان کی ہدایت کے مطابق نیاز اللہ نیازی کو انصاف لائرز فورم کا چیف آرگنائزر مقرر کیا گیا ہے۔
عمران خان صاحب کی ہدایت کے مطابق جناب نیاز اللہ نیازی صاحب کو انصاف لائیرز فورم کا چیف آرگنائر مقرر کر دیا گیا ہے۔ میں ان کو مبارکباد پیش کرتا ہوں۔ اس مشکل وقت میں وکلا کی جد وجہد میں انکا ممکمل اور بھرپور ساتھ دونگا۔ انتظار پنجھوتہ صاحب نے بطور چیف آرگنائزر ILF ایک مشکل ترین دور میں جمہوریت اور عدلیہ کی آزادی کیلئے گراں قدر خدمات سرانجام دیں۔ میں انکا شکریہ ادا کرتا ہوں۔ پارٹی انکے خلوص اور محنت سے مستفید ہوتی رہے گی۔
— salman akram raja (@salmanAraja) November 12, 2026
انہوں نے نیاز اللہ نیازی کو مبارکباد دیتے ہوئے کہا کہ اس مشکل وقت میں وکلا کی جدوجہد میں ان کا مکمل اور بھرپور ساتھ دیں گے۔
یہ بھی پڑھیں: عمران خان کا پمز ہسپتال میں طبی معائنہ
سلمان اکرم راجہ نے سابق چیف آرگنائزر آئی ایل ایف انتظار پنجھوتہ کی خدمات کو بھی سراہتے ہوئے کہا کہ انہوں نے مشکل ترین دور میں جمہوریت اور عدلیہ کی آزادی کے لیے گراں قدر خدمات انجام دیں۔
انہوں نے انتظار پنجھوتہ کا شکریہ ادا کرتے ہوئے کہا کہ پارٹی ان کے خلوص اور محنت سے آئندہ بھی مستفید ہوتی رہے گی۔
