محسن انسانیت عبدالستار ایدھی کو خراج عقیدت پیش کرنے کے لیے بڑا اقدام

تفصیلات کے مطابق ایدھی فاؤنڈیشن نے ڈائریکٹر جنرل سول ایوی ایشن سے درخواست کی تھی کہ نئے جہاز کی رجسٹریشن عبدالستار ایدھی کے نام سے کی جائے۔ سول ایوی ایشن اتھارٹی نے درخواست منظور کرتے ہوئے جہاز کو AP-ASE رجسٹریشن نمبر الاٹ کر دیا۔

یہ بھی پڑھیں: لاہور میں بسنت کی نئی تاریخوں کا باضابطہ نوٹیفکیشن جاری

منظوری کے بعد ایدھی فاؤنڈیشن نے نئے جہاز پر رجسٹریشن نمبر AP-ASE پینٹ کروا دیا ہے، جو عبدالستار ایدھی کی خدمات کے اعتراف اور انہیں خراجِ عقیدت پیش کرنے کی علامت ہے۔

سنو نیوز نے ایدھی فاؤنڈیشن کے نئے جہاز پر عبدالستار ایدھی کے نام سے منسوب رجسٹریشن کی تصاویر بھی حاصل کر لی ہیں۔ ایئر ایمبولینس کے لیے اس جہاز کی خریداری ایدھی فاؤنڈیشن کی انسانی خدمت کے مشن کو مزید آگے بڑھانے کی کوششوں کا حصہ ہے۔