سرکاری حج اسکیم 2027: دوسری قسط جمع کرانے میں 3 دن باقی
دوسری قسط کی ادائیگی کے لیے نیشنل آئی ٹی بورڈ کے حج پورٹل یا حج موبائل ایپ سے استفادہ کیا جا سکتا ہے/ فائل فوٹو
Updated | Published October, 17 2026 |
اسلام آباد:(ویب ڈیسک) سرکاری حج اسکیم کے تحت حج واجبات کی دوسری قسط جمع کرانے کی آخری تاریخ قریب آگئی ہے، وزارت مذہبی امور کے ترجمان نے عازمین حج کو ہدایت کی ہے کہ وہ اپنی ادائیگی 20 اکتوبر سے قبل مکمل کر لیں۔
ترجمان کے مطابق دوسری قسط کی ادائیگی کے لیے نیشنل آئی ٹی بورڈ کے حج پورٹل یا حج موبائل ایپ سے استفادہ کیا جا سکتا ہے نیز عازمین کو مقررہ وقت کے اندر واجبات جمع کرانے کی ہدایت کی گئی ہے۔
یہ بھی پڑھیں: پنجاب میں 3 لاکھ خاندانوں کو بلاسود قرضے دینے کا ہدف مقرر
وزارت مذہبی امور نے واضح کیا ہے کہ حج پورٹل پر موجود میڈیکل فٹنس سرٹیفکیٹ ڈاؤن لوڈ کرکے ڈاکٹر سے اس کی تصدیق کروانا بھی ضروری ہے۔ تصدیق کے بعد سرٹیفکیٹ دوبارہ حج پورٹل پر اپ لوڈ کرنا ہوگا۔
ترجمان نے عازمین کو مزید ہدایت کی کہ حج سے متعلق تازہ معلومات اور ضروری ہدایات کیلئے نیشنل آئی ٹی بورڈ کی تیار کردہ پاک حج موبائل ایپ استعمال کریں اور تمام تقاضے مقررہ وقت پر مکمل کریں۔
