اسلام آباد کی سیکیورٹی کیلئے صوبوں سے 23 ہزار 500 اہلکار طلب
کابینہ سیکریٹری نے تینوں صوبائی حکومتوں کو خط لکھ کر پولیس نفری فراہم کرنے کی درخواست کی/ فائل فوٹو
Updated | Published September, 14 2026 |
اسلام آباد:(ویب ڈیسک) وفاقی حکومت نے اسلام آباد میں سکیورٹی انتظامات مزید سخت کرنے کیلئے صوبوں سے اضافی نفری مانگ لی۔ پنجاب، سندھ اور بلوچستان سے ہزاروں پولیس اہلکار طلب کیے گئے ہیں۔
ذرائع کے مطابق کابینہ سیکریٹری نے تینوں صوبائی حکومتوں کو خط لکھ کر پولیس نفری فراہم کرنے کی درخواست کی ہے۔
کابینہ ڈویژن کی جانب سے پولیس اہلکاروں کی دستیابی اور تعیناتی کے حوالے سے نوٹیفکیشن بھی جاری کر دیا ہے۔
نوٹیفکیشن کے مطابق پنجاب سے 15 ہزار، سندھ سے 8 ہزار جبکہ بلوچستان سے 500 پولیس اہلکار اسلام اباد بھیجے جائیں گے۔
یہ بھی پڑھیں: شیر افضل مروت کا سہیل آفریدی کیخلاف درخواست واپس لینے سے انکار
مزید برآں، تینوں صوبوں کو ہدایت کی گئی ہے کہ مطلوبہ نفری 20 ستمبر تک اسلام آباد میں تعینات کردی جائے۔
وفاقی حکومت کے مطابق اضافی پولیس نفری دارالحکومت میں سکیورٹی کے انتظامات کو مؤثر بنانے کیلئے استعمال کی جائے گی۔
