حکومت کی جانب سے پیٹرول پر ریلیف کس طرح حاصل کیا جائے؟ تفصیلات سامنے آ گئیں
وزارت آئی ٹی نے ریلیف اسکیم کا طریقہ کار جاری کیا ہے۔ وزارت آئی ٹی کا کہنا ہےکہ شہری REG لکھ کر شناختی کارڈ نمبر 9771 پر بھیجیں۔ گاڑی نمبر، صوبائی کوڈ اور رجسٹریشن تاریخ بھی درج کرنا ہوگی۔
حکومت کا موٹرسائیکل، رکشے اور چھوٹی گاڑیوں کیلئے پیٹرول پر 100 روپے فی لیٹر ریلیف کا اعلان
وزارت آئی ٹی کا کہنا ہےکہ فیول ٹوکن کے لیے TOK لکھ کر 9771 پر میسج کریں، فیول ٹوکن دکھا کر رعایتی پٹرول حاصل کیا جا سکے گا۔
یہ بھی پڑھیں: حکومت کا عوام کو پیٹرول کی قیمت میں ریلیف دینے کا اعلان
وزارت آئی ٹی کے مطابق اسلام آباد میں پیر اور منگل کی درمیانی شب سے ریلیف شروع ہوگا جب کہ ملک کےدیگر علاقوں میں بدھ اور جمعرات کی درمیانی شب سے ریلیف دستیاب ہوگا۔
وزارت آئی ٹی کا کہنا ہےکہ مستحق شہریوں کو فی لیٹر پیٹرول پر 100 روپے رعایت ملےگی۔موٹر سائیکل اور چنگچی کے لیے ماہانہ 20 لیٹر رعایت مقرر کی گئی ہے جب کہ 800 سی سی تک گاڑیوں کے لیے ماہانہ 30 لیٹر رعایتی پیٹرول کی حد رکھی گئی ہے۔
