وزیراعلیٰ سہیل آفریدی کے وارنٹ گرفتاری آگئے

عدالت نے اسلام آباد کے مختلف تھانوں میں درج مقدمات میں پولیس کی درخواست پر کاروائی کرتے ہوئے پی ٹی آئی رہنماؤں کے ناقابل ضمانت وارنٹ جاری کیے۔

تھانہ کوہسار کے مقدمہ نمبر 1032 میں سہیل آفریدی، شاہد خٹک، سالار کاکڑ، صدام ترین اور امجد علی کے وارنٹ جاری کیے گئے۔

اسی طرح تھانہ رمنا اور کراچی کمپنی میں درج مقدمات میں سہیل آفریدی، جنید اکبر، شاہد خٹک اور عاطف خان کے ناقابلِ ضمانت وارنٹ جاری ہوئے۔

یہ بھی پڑھیں: اڈیالہ جیل میں قیدی کی طبیعت اچانک خراب، ہسپتال پہنچنے سے قبل ہی دم توڑ گیا

تھانہ آبپارہ کے مقدمہ نمبر 1228 میں سہیل آفریدی، جنید اکبر، شاہد خٹک، عاطف خان، مینا خان، شفیع جان، نسیم علی شاہ، اقبال آفریدی اور عبدالغنی کے وارنٹ گرفتاری جاری کیے گئے۔
انسداد دہشت گردی عدالت کے جج ابو الحسنات محمد ذوالقرنین نے وارنٹ جاری کیے۔

پولیس نے عدالت کو بتایا کہ متعلقہ ملزمان مقدمات میں مطلوب ہیں اور ان سے تفتیش کیلئے گرفتاری ضروری ہے جس پر عدالت نے پولیس کی استدعا منظور کرتے ہوئے وارنٹ جاری کر دیئے ہیں۔