نئے صوبوں کا معاملے، حکومت کا اہم اعلان سامنے آگیا

تفصیلات کے مطابق میڈیا سے گفتگو میں طارق فضل چوہدری نے کہا کہ نئے صوبوں کی بحث کا اصل مقام پارلیمنٹ ہی ہے۔

وفاقی وزیر طارق فضل چوہدری نے کہا کہ اکتوبرمیں قومی اسمبلی اور سینیٹ اجلاس ہوں گے، ان میں نئے صوبوں کے قیام پر بحث کرائی جائے گی۔

یہ بھی پڑھیں: مولانا فضل الرحمان نے جماعت اسلامی کی حمایت کا اعلان کردیا

اس کے علاوہ ان کا کہنا تھا کہ اسلام آباد ایک نئے گورننس ماڈل کو اختیار کرنے جارہا ہے۔

واضح رہے کہ اس سے قبل پیپلزپارٹی کے چیئرمین بلاول بھٹو نے مطالبہ کیا تھا کہ صوبوں کے معاملے پر بزنس فورمز کے بجائے قومی اسمبلی میں بحث ہو، پاکستان کے تمام مسائل کاحل جمہوریت میں ہے۔

بلاول بھٹو نے لندن میں میڈیا سے گفتگو کرتے ہوئے کہا کہ صوبوں کے حوالے سے پیپلزپارٹی کا واضح مؤقف ہے، سسٹم اگر فیل ہوا ہے تو قومی اسمبلی میں باقاعدہ بحث ہونی چاہیے۔