پنجاب کے کاشتکاروں کیلئے بڑی خوشخبری، 25 ہزار روپے تک سبسڈی کا اعلان

وزیراعلیٰ پنجاب کے کلین ایئر پروگرام کے تحت دھان کے کاشتکار سپر سیڈر کے استعمال پر فی ایکڑ 5 ہزار روپے رینٹل سبسڈی حاصل کر سکیں گے، جبکہ ایک کاشتکار کیلئے زیادہ سے زیادہ سبسڈی کی حد 25 ہزار روپے مقرر کی گئی ہے۔

حکومت کے مطابق یہ سہولت مخصوص اضلاع کے اہل کاشتکاروں کو فراہم کی جائے گی۔ ان اضلاع میں فیصل آباد، ٹوبہ ٹیک سنگھ، جھنگ، چنیوٹ، گجرات، منڈی بہاؤالدین، حافظ آباد، وزیرآباد، گوجرانوالہ، سیالکوٹ، نارووال، شیخوپورہ، ننکانہ صاحب، لاہور، قصور، اوکاڑہ، ساہیوال، پاکپتن، ملتان، لودھراں، خانیوال، وہاڑی اور بہاولنگر شامل ہیں۔

سبسڈی کیلئے رجسٹریشن کیسے ہوگی؟

اہل کاشتکار رینٹل سبسڈی حاصل کرنے کیلئے آن لائن رجسٹریشن کروا سکتے ہیں۔ اس مقصد کیلئے محکمہ زراعت پنجاب کی آفیشل ویب سائٹ www.agripunjab.gov.pk پر جا کر رجسٹریشن کا عمل مکمل کرنا ہوگا۔

یہ بھی پڑھیں: ملک میں سونے کی قیمت میں سینکڑوں روپے کمی

پنجاب حکومت کا کہنا ہے کہ اس پروگرام کا مقصد دھان کی باقیات جلانے کے رجحان میں کمی لانا اور ماحول کو فضائی آلودگی سے محفوظ رکھنا ہے۔