گرمی کا راج یا بادل برسیں گے؟محکمہ موسمیات نے بتا دیا
محکمہ موسمیات کے مطابق لاہور میں آج موسم گرم اور خشک رہنے کا امکان ہے، شہر کا موجودہ درجہ حرارت 32 ڈگری سینٹی گریڈ ریکارڈ کیا گیا ہے جبکہ زیادہ سے زیادہ درجہ حرارت 37 ڈگری اور کم سے کم 27 ڈگری سینٹی گریڈ رہنے کی توقع ہے۔
لاہور میں 6 کلومیٹر فی گھنٹہ کی رفتار سے ہوائیں چل رہی ہیں جبکہ ہوا میں نمی کا تناسب 64 فیصد ریکارڈ کیا گیا ہے۔ شہر فضائی آلودگی کے اعتبار سے بھی متاثر ہے اور آلودہ ترین شہروں کی فہرست میں نویں نمبر پر موجود ہے، جہاں فضائی آلودگی کی شرح 156 ریکارڈ کی گئی۔
دوسری جانب کراچی میں موسم گرم اور مرطوب جبکہ حبس کی کیفیت برقرار رہنے کا امکان ہے، شہر کا موجودہ درجہ حرارت 28 ڈگری سینٹی گریڈ ریکارڈ کیا گیا جبکہ گرمی کی شدت 30 ڈگری تک محسوس کی جارہی ہے۔
محکمہ موسمیات کے مطابق کراچی میں آج زیادہ سے زیادہ درجہ حرارت 35 ڈگری سینٹی گریڈ تک پہنچ سکتا ہے۔ شہر میں جنوب مغربی سمت سے 8 کلومیٹر فی گھنٹہ کی رفتار سے ہوائیں چل رہی ہیں جبکہ نمی کا تناسب 81 فیصد ریکارڈ کیا گیا ہے۔
یہ بھی پڑھیں:مولانا فضل الرحمان نے جماعت اسلامی کی حمایت کا اعلان کردیا
محکمہ موسمیات نے واضح کیا ہے کہ کراچی میں فی الحال بارش یا بوندا باندی کا کوئی امکان نہیں، تاہم شہر کا فضائی معیار تسلی بخش قرار دیا گیا ہے۔
