عمران خان سے ڈیل کیلئے ریٹائرڈ شخصیت نے کردار ادا کیا: رمیش کمار
نجی ٹی وی چینل کو انٹرویو میں رمیش کمار نے کہا کہ عمران خان سے 4 سے 5 ملاقاتوں کے بعد 14 اگست کو باقاعدہ کیک کاٹا گیا، جبکہ ریلیف کا عمل شروع ہو چکا ہے اور آئندہ چند روز میں صورتحال واضح ہو جائے گی۔
انہوں نے دعویٰ کیا ہے کہ ایک نیا سیاسی ماڈل تشکیل پانے جا رہا ہے جس پر 15 ستمبر سے 15 نومبر کے درمیان عملدرآمد متوقع ہے۔
رمیش کمار کے مطابق نئے نظام میں بانی پی ٹی آئی سمیت تمام اہم فریقین کو اعتماد میں لیا گیا ہے۔
یہ بھی پڑھیں: پارلیمنٹ چاہے تو نئے صوبے بن سکتے ہیں:اعظم نذیرتارڑ
پیپلز پارٹی رہنما نے خبردار کیا کہ جو بھی نئے ماڈل کی راہ میں رکاوٹ بنے گا، اسے باہر کردیا جائے گا۔
ان کا کہنا تھا کہ اگر مسلم لیگ ن نے رکاوٹ ڈالنے یا 'شفا والی غلطی' کرنے کی کوشش کی تو نیا سیٹ اپ بھی تشکیل پا سکتا ہے۔
واضح رہے کہ رمیش کمار کے یہ دعوے ان کے اپنے بیان پر مبنی ہیں جب کہ ان کے داعووں کی آزادانہ طور پر تصدیق سامنے نہیں آئی۔
