آنے والے دنوں میں اچھی خبر ملے گی: وفاقی وزیر پیٹرولیم
وفاقی وزیر پٹرولیم علی پرویز ملک نے نجی ٹی وی چینل کو انٹرویو دیا/ فائل فوٹو
Updated | Published September, 2 2026 |
اسلام آباد:(ویب ڈیسک) وفاقی وزیر پٹرولیم علی پرویز ملک نے پیٹرول اور ڈیزل کی بیٹی قیمتوں سے پریشان عوام کو ریلیف کی امید دلاتے ہوئے کہا ہے کہ آنے والے دنوں میں اچھی خبر ملے گی۔
ایک انٹرویو میں علی پرویز ملک نے کہا کہ حکومت پٹرولیم مصنوعات کی قیمتوں میں کمی کے لیے مختلف ممالک سے رابطے میں ہے اور اس حوالے سے مثبت پیشرفت متوقع ہے۔
وفاقی وزیر نے کہا کہ سعودی عرب سے بھی اچھی خبر آنے کی امید ہے جبکہ ترکیہ سے بھی مثبت پیش رفت متوقع ہے۔
ان کا کہنا تھا کہ عمان پہلے ہی 200 ملین ڈالر کے ادھار پر پاکستان کو پیٹرول فراہم کرنے پر رضامند ہو چکا ہے۔
مزید پڑھیں:عالمی منڈی میں خام تیل کی قیمتوں میں بڑا اضافہ
علی پرویز ملک نے عوام کو تسلی دیتے ہوئے کہا کہ بے فکر رہیں آنے والے دنوں میں اچھی خبر ملے گی۔
وفاقی وزیر کے مطابق حکومت عوام کو پیٹرولیم مصنوعات کی قیمتوں میں ممکنہ ریلیف دینے کے لیے ہر ممکن اقدامات کر رہی ہے۔
