مسلم لیگ ن کے سینئر رہنما حاجی احسان الدین قریشی انتقال کر گئے
ان کے انتقال کی خبر سامنے آتے ہی مسلم لیگ ن کے کارکنوں، سیاسی رہنماؤں اور سماجی شخصیات کی جانب سے تعزیت اور افسوس کا سلسلہ شروع ہوگیا۔
حاجی احسان الدین قریشی پنجاب کی سیاست میں ایک نمایاں نام تھے، انہوں نے رکن پنجاب اسمبلی کی حیثیت سے عوامی و سیاسی معاملات میں اپنا کردار ادا کیا، جبکہ صوبائی وزیر کی ذمہ داریاں بھی انجام دیں۔
ان کے انتقال پر سیاسی و سماجی حلقوں کی جانب سے مرحوم کے اہل خانہ سے دلی تعزیت کا اظہار کیا گیا، مختلف شخصیات نے مرحوم کے درجات کی بلندی اور لواحقین کے لیے صبر جمیل کی دعا کی۔
خاندنی ذرائع کے مطابق حاجی احسان الدین قریشی کی نماز جنازہ 10 بجے عام خاص باغ میں ادا کی جائے گی، جس میں سیاسی، سماجی شخصیات، مسلم لیگ ن کے کارکنان، عزیز و اقارب اور شہریوں کی بڑی تعداد کی شرکت متوقع ہے۔
یہ بھی پڑھیں:معروف عالم دین مولانا رشید محمد قاتلانہ حملے میں شدید زخمی
حاجی احسان الدین قریشی کے انتقال سے مسلم لیگ ن ایک اہم سیاسی رہنما سے محروم ہوگئی ہے۔ ان کی وفات پر پارٹی کارکنوں اور ہمدردوں میں بھی غم کی فضا پائی جا رہی ہے۔
مرحوم کے اہل خانہ نے عزیز و اقارب، سیاسی ساتھیوں اور شہریوں سے نماز جنازہ میں شرکت اور مرحوم کے لیے دعائے مغفرت کی درخواست کی ہے۔
