بقایا جات کی وصولی کیلئے گھریلو بجلی کنکشن منقطع کرنے کے عمل کو غیرقانونی قرار

درخواست میں صنعتی یونٹ کے واجبات ادا نہ ہونے پر درخواست گزار کا گھریلو بجلی کنکشن منقطع کرنے کے اقدام کو چیلنج کیا گیا تھا۔

عدالت نے تمام متعلقہ فریقین اور درخواست گزار کو مناسب سماعت کا موقع فراہم کرنے کی ہدایت کرتے ہوئے حکم دیا کہ معاملہ دو ہفتوں میں نمٹایا جائے اور قانون کے مطابق وجوہات پر مشتمل حکم جاری کیا جائے۔

عدالت نے متعلقہ حکام کو درخواست گزار کے خلاف کسی بھی تادیبی کارروائی سے بھی روک دیا ہے۔

لاہور ہائیکورٹ نے قرار دیا کہ صنعتی یونٹ کے واجبات کی بنیاد پر گھریلو بجلی کنکشن منقطع کرنا قانونی طور پر درست نہیں۔