پاکستان کی ایران امریکا جنگ بندی کی کوششیں جاری، فیلڈ مارشل کل ایران کا دورہ کریں گے
پاکستان کے چیف آف ڈیفنس فورسز فیلڈ مارشل عاصم منیر اور ایران کے وزیرخارجہ عباس عراقچی کے درمیان کل ٹیلیفونک رابطہ بھی ہواتھا: ایرانی خبر ایجنسی۔ فوٹو فائل
Updated | Published August, 23 2026 |
(ویب ڈیسک) ایرانی وزارت خارجہ کے ترجمان اسماعیل بقائی کا کہنا ہے پاکستان کے آرمی چیف فیلڈ مارشل عاصم منیر پیر کو ایران کا دورہ کریں گے، پاکستانی فیلڈ مارشل کا دورہ ایران خطے میں امن و استحکام کیلئے پاکستان کی کوششوں کا تسلسل ہے۔
ایران اور امریکا میں دیرپا جنگ بندی کے لیے پاکستان کی کوششیں جاری ہیں اور اسی سلسلے میں چیف آف ڈیفنس فورسز فیلڈ مارشل عاصم منیر کل ایران کا دورہ کریں گے۔
ایرانی دفتر خارجہ کے ترجمان اسماعیل بقائی کے مطابق فیلڈ مارشل سید عاصم منیر کے دورے کا مقصد ایران پاکستان تعلقات کو مزید مضبوط بنانا ہے جبکہ پاکستانی چیف آف ڈیفنس فورسز ایران کے اعلیٰ حکام سے ملاقاتیں بھی کریں گے۔
یہ بھی پڑھیں: امریکا سے تجارتی مذاکرات ناکام، کینیڈا کا 50 فیصد ٹیرف کا اعلان
دوسری جانب ایرانی خبر ایجنسی کے مطابق فیلڈ مارشل عاصم منیر اور عباس عراقچی کے درمیان کل ٹیلیفونک رابطہ ہوا تھا، دونوں نے خطے کی صورتحال پر تبادلہ خیال کیا۔
یاد رہے کہ فیلڈ مارشل عاصم منیر امریکا ایران جنگ کے دوران اس سے پہلے بھی دو بار ایران کا دورہ کرچکے ہیں۔
