بینظیرانکم سپورٹ پروگرام میں رجسٹرڈ خواتین اہم ہدایات جاری
بی آئی ایس پی کی جانب سے جاری عوامی آگاہی پیغام میں مستحقین کو افواہوں، گمراہ کن معلومات اور بینظیر سمز کے اجرا سے متعلق غیرمصدقہ دعوؤں سے محتاط رہنے کی ہدایت کی گئی ہے۔
پیغام میں واضح کیا کہ مستحقین ڈیجیٹل والٹ اور سمز کے اجرا کے حوالے سے درست معلومات کے لیے صرف بی آئی ایس پی کے سرکاری ذرائع پر انحصار کریں اور کسی غیرمجاز ذریعے سے سم حاصل کرنے سے گریز کریں، بصورت دیگر انہیں مشکلات کا سامنا ہوسکتا ہے۔
مستحقین کو ہدایت کی ہے کہ کسی بھی قسم کی وضاحت یا رہنمائی کے لیے اپنے قریبی BISP دفتر سے رابطہ کریں، مستحقین کو محفوظ، آسان اور شفاف سہولیات کی فراہمی اس کی اہم ترجیحات میں شامل ہے۔
یہ بھی پڑھیں: حکومت کی جانب سے پاسپورٹ بنوانے والوں کیلئے خوشخبری
دوسری جانب وزیر مملکت برائے خزانہ بلال اظہر کیانی نے اعلان کیا تھا کہ 2026 کے اختتام تک BISP کے تمام مستحقین کو ڈیجیٹل والٹس فراہم کردیئے جائیں گے۔ حکومت ملک میں ڈیجیٹل ادائیگیوں کے فروغ کے لیے سرکاری اور نجی شعبے کے ساتھ مل کر کام کررہی ہے۔ ڈیجیٹل ادائیگیوں کے نظام کو راسٹ (Raast) کے ذریعے مزید مضبوط بنایا گیا ہے۔
ان کا کہنا تھا کہ اس وقت 20 لاکھ سے زائد تاجر ڈیجیٹل ادائیگیوں کی سہولت استعمال کررہے ہیں، جبکہ ڈیجیٹل بینکنگ صارفین کی تعداد 13 کروڑ 70 لاکھ تک پہنچ چکی ہے۔ کیو آر کوڈ کے ذریعے ادائیگیوں کی حوصلہ افزائی کے لیے حکومت کی جانب سے مرچنٹ ڈسکاؤنٹ ریٹ پر سبسڈی بھی فراہم کی جارہی ہے۔
