عمران خان کو شفا ہستپال منتقل کرنے کی تیاریاں مکمل
بانی پی ٹی آئی کی طبی ٹیم ڈاکٹر فیصل اور بہن ڈاکٹر عظمیٰ اڈیالہ جیل پہنچے جہاں حکام نے انہیں داخلے کی اجازت دی۔ اسپتال منتقلی سے قبل بانی کی صحت کا جائزہ لیا جائے گا۔
اس کے علاوہ علیمہ خان بھی اپنے کزن قاسم نیازی کے ساتھ اڈیالہ کے گیٹ نمبر پانچ کے قریب پہنچ گئیں اور گاڑی میں بیٹھ کر انتظار کرتی رہیں۔
یہ بھی پڑھیں: عمران خان کی ہسپتال منتقلی: حکومتی درخواست واپس
قبل ازیں عمران خان کی منتقلی سے قبل آئی جی اسلام آباد، ڈپٹی کمشنر اور دیگر متعلقہ افسران الشفا اسپتال پہنچے جہاں انہوں نے صورتحال کا جائزہ لیا جبکہ سیکیورٹی کے سخت انتظامات کرتے ہوئے پولیس کی بھاری نفری کو تعینات کردیا گیا۔
اس کے علاوہ الشفا اسپتال کی سڑک پر رکاوٹیں کھڑی کر کے گاڑیوں کی آمد و رفت کو روک دیا گیا جبکہ آئی جی اسلام آباد نے جوانوں کو خصوصی ہدایات بھی جاری کیں۔
کورال چوک سے زیرو پوائنٹ تک سکیورٹی ہائی الرٹ کر دی گئی، اسلام آباد پولیس نے شفا ہستپال جانے والے تمام راستے ٹریفک کیلئے بند کر دیئے
