کار بے قابو ہو کردرخت سے ٹکرا گئی، 5 افراد جاں بحق
ریسکیو حکام کے مطابق حادثہ تیز رفتاری کے باعث پیش آیا، ابتدائی اطلاعات کے مطابق کار بے قابو ہو کر سڑک کنارے درخت سے جا ٹکرائی، جس کے نتیجے میں گاڑی میں سوار تین افراد جاں بحق ہوگئے، جبکہ دو راہگیر بھی حادثے کی زد میں آکر جان کی بازی ہار گئے۔
حادثے میں جاں بحق ہونے والوں کی شناخت 15 سالہ مزمل، 18 سالہ نعمان، 20 سالہ عبدالرحمن، 17 سالہ فرقان اور 19 سالہ جنید کے نام سے ہوئی ہے۔
حادثے کے فوراً بعد ریسکیو ٹیمیں جائے وقوعہ پر پہنچ گئیں اور امدادی کارروائیوں کا آغاز کیا۔ اہلکاروں نے جاں بحق افراد کی لاشیں اور زخمی بچے کو جائے حادثہ سے منتقل کیا۔
ریسکیو حکام کے مطابق زخمی بچے کو فوری طبی امداد کیلئے اسپتال منتقل کردیا گیا، جبکہ تمام جاں بحق افراد کی لاشیں ضروری کارروائی کیلئے سروسز اسپتال منتقل کردی گئی ہیں۔
حادثے کے بعد جائے وقوعہ پر لوگوں کی بڑی تعداد جمع ہوگئی، جبکہ متعلقہ اداروں نے شواہد اکٹھے کرنے کا عمل بھی شروع کردیا، ابتدائی طور پر حادثے کی وجہ تیز رفتاری بتائی جارہی ہے، تاہم واقعے کی مزید تحقیقات جاری ہیں۔
یہ بھی پڑھیں:کوئٹہ سے اندرونِ ملک ٹرین سروس 2 روز کیلئے معطل
ریسکیو ٹیموں نے جائے حادثہ پر امدادی کارروائی مکمل کرنے کے بعد متاثرین کو اسپتال منتقل کردیا۔ حکام نے شہریوں کو ہدایت کی ہے کہ گاڑی چلاتے ہوئے رفتار کو قابو میں رکھیں اور ٹریفک قوانین کی پابندی کریں تاکہ ایسے المناک حادثات سے بچا جاسکے۔
