بی آئی ایس پی دفتر میں فائرنگ سے نوجوان جاں بحق، خاتون زخمی

ذرائع کے مطابق فائرنگ سے خالق نور وزیر ولد کالا خان شدید زخمی ہوئے، جس پر انہیں فوری طور پر وانا اسپتال منتقل کیا گیا، حالت تشویشناک ہونے پر انہیں ڈیرہ اسماعیل خان لے جایا جا رہا تھا کہ وہ زخموں کی تاب نہ لاتے ہوئے راستے میں ہی دم توڑ گئے۔

یہ بھی پڑھیں: تجارتی جہاز پر حوثیوں کا حملہ، 3 پاکستانی جاں بحق

واقعے میں زخمی ہونے خاتون کو طبی امداد کیلئے اسپتال منتقل کیا گیا ہے تاہم ان کی حالت سے متعلق مزید تفصیلات سامنے نہیں آسکیں۔

فائرنگ کے بعد حملہ آور موقع سے فرار ہوگئے، پولیس اور متعلقہ اداروں نے جائے وقوعہ سے شواہد اکٹھے کرکے واقعے کی تحقیقات شروع کر دی ہے جبکہ ملزمان کی گرفتاری کیلئے بھی کاروائی جاری ہے۔