پنجاب: نجی اسکولوں کو 10 فیصد بچوں کو مفت تعلیم دینے کا حکم جاری
کمیٹی نے تمام نجی اسکولوں کو ہدایت کی ہے کہ وہ 10 روز کے اندر اپنے اداروں میں دس فیصد بچوں کو مفت تعلیم کی سہولت یقینی بنائیں، بصورت دیگر انکے لائسنس منسوخ کرنے کی کاروائی کی جائے گی۔
اجلاس کے دوران قانون پر عمل درآمد نہ ہونے کے معاملہ زیر بحث آیا، جس پر ایک رکن کمیٹی نے تجویز دی کہ صرف نجی اسکولوں کے فراہم کردہ اعداد و شمار پر انحصار نہ کیا جائے بلکہ محکمہ سکول ایجوکیشن خود مستحق بچوں کی نشاندہی کرکے انہیں نجی اسکولوں میں داخل کرائے تاکہ شفافیت یقینی بنائی جا سکے۔
چیئرمین قائمہ کمیٹی نے واضح کیا کہ مقررہ وقت میں قانون پر عمل نہ کرنے والے نجی اسکولوں کے خلاف سخت کارروائی ہوگی۔
یہ بھی پڑھیں: غیر رجسٹرڈ نجی سکولوں کیخلاف بڑا کریک ڈاؤن
اس موقع پر سیکریٹری سکول ایجوکیشن نے کمیٹی کو بتایا کہ 10 فیصد مفت تعلیم سے متعلق تمام نجی اسکولوں کا مکمل ڈیٹا جمع کیا جارہا ہے تاکہ قانون پر مؤثر عملدرآمد یقینی بنایا جا سکے۔
