ملتان میں 22 جولائی کو چھٹی کا اعلان
اس حوالے سے ڈپٹی کمشنر ملتان ڈاکٹر فیصل سلیم کی جانب سے باضابطہ نوٹیفکیشن بھی جاری کر دیا گیا ہے۔
جاری کردہ نوٹیفکیشن کے مطابق 22 جولائی کو ضلع ملتان کے تمام سرکاری دفاتر، ضلعی دفاتر اور سرکاری ادارے بند رہیں گے۔ انتظامیہ کا کہنا ہے کہ یہ تعطیل عرس کی تقریبات کے پیش نظر دی گئی ہے تاکہ زائرین اور شہری مذہبی رسومات اور تقریبات میں آسانی کے ساتھ شرکت کر سکیں۔
واضح رہے کہ حضرت بہاؤالدین زکریا ملتانیؒ کا شمار برصغیر کے عظیم صوفی بزرگوں میں ہوتا ہے، ہر سال ان کے عرس کی تقریبات میں ملک بھر سے بڑی تعداد میں عقیدت مند شرکت کرتے ہیں۔ عرس کے موقع پر ملتان میں خصوصی انتظامات کیے جاتے ہیں، جن میں سیکیورٹی، صفائی ستھرائی اور زائرین کے لیے سہولیات کی فراہمی شامل ہوتی ہے۔
ضلعی انتظامیہ کے مطابق عرس کی تقریبات کے دوران شہریوں کو بہتر سہولیات فراہم کرنے اور امن و امان کی صورتحال برقرار رکھنے کیلئے تمام متعلقہ اداروں کو ضروری ہدایات جاری کر دی گئی ہیں۔
یہ بھی پڑھیں:حکومت سے مفت ای اسکوٹی لینے کی اہلیت اور طریقہ سامنے آگیا
واضح رہے کہ ملتان کو صوفیا کرام کی سرزمین بھی کہا جاتا ہے، جہاں مختلف بزرگانِ دین کے مزارات موجود ہیں، حضرت بہاؤالدین زکریا ملتانیؒ کا عرس ہر سال عقیدت و احترام کے ساتھ منایا جاتا ہے، جس میں ملک کے مختلف علاقوں سے زائرین شرکت کیلئے پہنچتے ہیں۔
