پٹرولیم مصنوعات کی قیمتوں میں حالیہ اضافہ ہائیکورٹ میں چیلنج
جوڈیشل ایکٹوزم پینل کی جانب سے پٹرولیم مصنوعات کی قیمتوں میں حالیہ اضافے کے خلاف لاہور ہائیکورٹ میں متفرق درخواست دائر کر دی گئی۔
درخواست میں مؤقف اختیارکیا گیا کہ حکومت کی جانب سے پٹرولیم مصنوعات کی قیمتوں میں بلاوجہ اضافہ کر دیا گیا ہے۔
لاہور ہائیکورٹ میں دائر درخواست میں استدعا کی گئی ہے حکومت کو پٹرولیم مصنوعات قیمتوں میں اضافے کا فیصلہ واپس لینے کا حکم دیا جائے۔
یہ بھی پڑھیں: حکومت کا پٹرولیم مصنوعات کی قیمتوں میں اضافے کا اعلان
یاد رہے کہ جمعہ کے روز حکومت کی جانب سے پٹرول اور ڈیزل کی قیمتوں میں اضافے کا اعلان کیا گیا تھا۔
پٹرولیم ڈویژن کی جانب سے جاری کردہ نوٹیفکیشن کے مطابق پٹرول کی قیمت میں 13 روپے18 پیسے جبکہ ہائی سپیڈ ڈیزل کی قیمت میں 13 روپے 80 پیسے فی لٹر اضافہ کیا گیا ہے۔
نوٹیفکیشن کے مطابق پٹرول کی قیمت اضافے کے بعد 310 روپے 71 پیسے فی لٹر مقرر کی گئی ہے جبکہ ہائی سپیڈ ڈیزل کی فی لٹر قیمت 323 روپے 30 پیسے فی لٹر ہو گئی۔
حکام کے مطابق ایران امریکا تازہ کشیدگی کے بعد عالمی مارکیٹ میں خام تیل کی قیمتوں میں اضافے کے تناظر میں پٹرولیم مصنوعات کی قیمتوں میں اضافہ کیا گیا ہے۔
