کراچی: فائرنگ کے مختلف واقعات میں 5 افراد زخمی
تفصیلات کے مطابق نارتھ کراچی فور کے چورنگی سیکٹر فائیو اے ٹو کے قریب سٹیٹ ایجنسی پر فائرنگ سے 2 افراد زخمی ہوگئے، فائرنگ سے موقع پر موجود افراد میں بھگدڑ مچ گئی اور خوف و ہراس پھیل گیا۔
ایس ایس پی ڈسٹرکٹ سینٹرل ڈاکٹر عمران خان نے بتایا کہ واقعے کی اطلاع ملتے ہی خواجہ اجمیر نگری پولیس موقع پر پہنچ گئی جبکہ زخمیوں کو فوری طبی امداد کے لیے عباسی شہید ہسپتال منتقل کر کے شواہد حاصل کرنے کے لیے کرائم سین یونٹ کو طلب کرلیا تاہم زخمیوں کی حالت خطرے سے باہر بتائی جاتی ہے۔
یہ بھی پڑھیں: حکومت کا پٹرولیم مصنوعات کی قیمتوں میں اضافے کا اعلان
انھوں ںے بتایا کہ ابتدائی تحقیقات میں معلوم ہوا ہے کہ اعتماد اسٹیٹ ایجنسی میں 5 افراد موجود تھے کہ اس دوران 2 مسلح ملزمان کی جانب سے فائرنگ کی گئی جو موقع سے فرار ہوگئے۔
ابتدائی معلومات کے مطابق واقعہ پلاٹوں کے تنازعے کا شاخسانہ بتایا جا رہا ہے جس حتمی طور پر مزید مختلف پہلوؤں پر تفتیش کی جا رہی ہے۔
