’’5 ایکڑ زمین پر اڑھائی لاکھ روپے ملیں گے‘‘،مریم نواز نے خوشخبری سنا دی

تفصیلات کے مطابق وزیر اعلیٰ پنجاب مریم نواز نے کہا کہ محکمہ زراعت سے کہہ دیا ہے کہ مزید زمینیں تلاش کریں، صوبے کی ایگری کلچر پروڈکشن میں اضافہ ہوگا۔ پنجاب حکومت فی ایکڑ پر 50 ہزار روپے فراہم کر رہی ہے، قرعہ اندازی 100 فیصد میرٹ پر ہوئی ہے، سب سے زیادہ ضرورت مند لوگوں کا اس میں نام آیا ہے۔ تھر سے پوٹاہار، جنوبی اور سینٹرل پنجاب کے کسانوں کو با اختیار بنایا جارہا ہے۔

یہ بھی پڑھیں: اپنا کھیت اپنا روزگار سکیم، وزیراعلیٰ مریم نواز نے قرعہ اندازی کر دی

واضح رہے کہ پنجاب میں اپنا کھیت اپنا روزگار سکیم کے تحت 30 ہزار خوش نصیبوں میں پانچ ، پانچ ایکڑ زمین تقسیم کی گئی ہے۔ وزیراعلیٰ پنجاب مریم نواز نے قرعہ اندازی میں کامیاب امیدواروں کو مبارکباد دی۔

تقریب سے خطاب وزیر اعلیٰ نے کہا کہ قابل کاشت سرکاری زمین بیس سال کی مفت لیز پر مستحق خاندانوں میں تقسیم کی جارہی ہے۔ صوبائی حکومت زمین پر کاشت میں مدد کے لیے تکنیکی مدد اور فی ایکڑ 50 ہزار روپے بھی دے گی ۔