کلائمیٹ انٹرن شپ پروگرام کا دوسرا فیز، 60 ہزار وظیفہ بھی ملے گا
محکمہ تحفظِ ماحول و ماحولیاتی تبدیلی پنجاب کے زیرِ اہتمام شروع کیے گئے اس پروگرام کا مقصد نوجوانوں کو ماحولیاتی چیلنجز سے نمٹنے کے لیے عملی تربیت فراہم کرنا ہے تاکہ وہ کلائمیٹ واریئرز کے طور پر ماحولیاتی گورننس، آگاہی اور پالیسی سازی میں مؤثر کردار ادا کر سکیں۔
پروگرام میں خواتین کی شمولیت کو یقینی بنانے کے لیے 50 فیصد نشستیں طالبات کے لیے مختص کی گئی ہیں۔
منتخب امیدواروں کو ڈسٹرکٹ وائز فیلڈ لرننگ، لرننگ مینجمنٹ سسٹم تک رسائی، ای پی اے کے فیلڈ دفاتر کے دورے، کیپسٹن پراجیکٹس، یو این ایف سی سی سی سے متعلق سرٹیفیکیشن اور ماہرین کی نگرانی میں کام کرنے کا موقع فراہم کیا جائے گا۔
انٹرن شپ کے لیے درخواست دینے والے امیدوار کی عمر درخواست جمع کرانے کی آخری تاریخ تک 20 سے 27 سال کے درمیان ہونی چاہیے، تعلیمی قابلیت کے طور پر کم از کم بیچلر ڈگری ضروری ہے جبکہ امیدوار کے لیے کم از کم 75 فیصد نمبر یا 3.0/4.0 سی جی پی اے ہونا لازمی قرار دیا گیا ہے۔
یہ پروگرام انوائرمنٹل سائنسز، انجینئرنگ، بزنس، کمپیوٹر سائنس، جی آئی ایس، سوشل سائنسز، پبلک پالیسی، اکنامکس، میڈیا اسٹڈیز، جرنلزم اور لاء کے گریجویٹس کے لیے کھلا ہے۔
یہ بھی پڑھیں: الیکٹرک بائیک اب ہر ایک کیلئے، حکومت کا بڑی سکیم لانے کا فیصلہ
خواہشمند اور اہل امیدوار ای پی اے پنجاب کے آفیشل پورٹل پر جا کر آن لائن درخواست دے سکتے ہیں، درخواست کے لیے امیدواروں کو پورٹل پر اپنا اکاؤنٹ بنانا ہوگا اور تعلیمی اسناد، شناختی کارڈ اور ڈومیسائل اپ لوڈ کرنا ہوں گے۔
آن لائن درخواست جمع کرانے کی آخری تاریخ 18 جولائی 2026 مقرر کی گئی ہے، مقررہ تاریخ کے بعد موصول ہونے والی درخواستوں پر غور نہیں کیا جائے گا۔
