بارش ہوگی یا دھوپ؟ محکمہ موسمیات نے بتا دیا
محکمہ موسمیات کے مطابق لاہور میں آئندہ 24 گھنٹوں کے دوران بارش کا کوئی امکان نہیں ہے۔ شہر میں موسم گرم اور خشک رہے گا، جبکہ زیادہ سے زیادہ درجہ حرارت 38 ڈگری سینٹی گریڈ اور کم سے کم 29 ڈگری سینٹی گریڈ رہنے کی توقع ہے۔ شہر میں تقریباً 7 کلومیٹر فی گھنٹہ کی رفتار سے ہوائیں چلیں گی، جبکہ ہوا میں نمی کا تناسب 73 فیصد تک پہنچ سکتا ہے۔
وفاقی دارالحکومت اسلام آباد میں آج موسم شدید گرم رہنے کا امکان ہے، جہاں درجہ حرارت 38 ڈگری سینٹی گریڈ تک جا سکتا ہے، تاہم شام کے وقت بارش کی پیشگوئی بھی کی گئی ہے، جس سے گرمی کی شدت میں وقتی کمی آ سکتی ہے۔
دوسری جانب گلگت بلتستان، کشمیر اور خیبرپختونخوا کے مختلف علاقوں میں گرج چمک کے ساتھ بارش متوقع ہے، جس سے پہاڑی علاقوں میں موسم خوشگوار ہونے کی توقع ہے۔
یہ بھی پڑھیں:سی ایس ایس 2027 کا مکمل شیڈول جاری
کراچی میں مطلع جزوی طور پر ابر آلود ہے اور مختلف علاقوں میں ہلکی بوندا باندی کے باعث موسم نسبتاً خوشگوار ہو گیا ہے۔ شہر کا موجودہ درجہ حرارت 30 ڈگری سینٹی گریڈ ریکارڈ کیا گیا، جبکہ آج زیادہ سے زیادہ درجہ حرارت 36 ڈگری سینٹی گریڈ تک جانے کا امکان ہے۔ شہر میں مغربی سمت سے 19 کلومیٹر فی گھنٹہ کی رفتار سے ہوائیں چل رہی ہیں اور ہوا میں نمی کا تناسب 78 فیصد ہے۔
