شادی پر دلہن کو ملنے والے زیورات اس کی ذاتی ملکیت : سپریم کورٹ
چیف جسٹس یحییٰ آفریدی کی سربراہی میں جسٹس نعیم اختر افغان اور جسٹس شکیل احمد پر مشتمل تین رکنی بینچ نے کیس کی سماعت کی، فیصلہ جسٹس شکیل احمد نے تحریر کیا۔
سپریم کورٹ نے واضح کیا کہ دلہن کے زیورات یا تحائف کو روکنا یا ان پر ناجائز قبضہ کرنا اس کے ملکیتی حقوق سے غیرقانونی محرومی کے مترادف ہے، شوہر یا سسرال والے ان زیورات کو اپنے استعمال میں بھی نہیں لا سکتے۔
یہ بھی پڑھیں: آزاد کشمیر میں تحریک انصاف کی عبوری رجسٹریشن کا فیصلہ معطل
فیصلے میں مزید کہا گیا کہ کسی بھی تحفے کی ملکیت کا تعین اس نیت کی بنیاد پر کیا جائے گا جس مقصد کیلئے تحفہ دیا گیا تھا۔ عدالت نے یہ بھی قرار دیا کہ بیوی اپنے زیورات، جہیز اور دیگر ذاتی سامان کی واپسی کیلئے فیملی کورٹ سے رجوع کر سکتی ہے، فیملی کورٹ کو ایسے مقدمات کی سماعت اور فیصلہ کرنے کا مکمل اختیار حاصل ہے۔
سپریم کورٹ نے شوہر کی اپیل مسترد کرتے ہوئے لاہور ہائیکورٹ کا فیصلہ برقرار رکھا۔
