صارفین کیلئے بُری خبر، بجلی 82 پیسے فی یونٹ مہنگی کرنے کی درخواست جمع

نیپرا کے مطابق مئی 2026 کی فیول پرائس ایڈجسٹمنٹ کی مد میں یہ درخواست سینٹرل پاور پرچیزنگ ایجنسی (سی پی پی اے) کی جانب سے دائر کی گئی ہے۔

نیپرا حکام کا کہنا ہے کہ درخواست پر سماعت 30 جون کو ہوگی، جس کے دوران تکنیکی اور مالیاتی جائزہ لینے کے بعد بجلی کی قیمت میں اضافے یا اسے برقرار رکھنے سے متعلق حتمی فیصلہ کیا جائے گا۔

یہ بھی پڑھیں: صارفین کیلئے بُری خبر، بجلی 82 پیسے فی یونٹ مہنگی کرنے کی درخواست جمع

ذرائع کے مطابق اگر درخواست منظور کر لی گئی تو بجلی صارفین پر تقریباً 12 ارب روپے کا اضافی مالی بوجھ پڑے گا۔

سی پی پی اے نے اپنے مؤقف میں مؤقف اختیار کیا ہے کہ مئی کے دوران بجلی کی پیداوار پر اوسط فیول لاگت 9 روپے 25 پیسے فی یونٹ رہی، جس کے باعث فیول پرائس ایڈجسٹمنٹ کی درخواست جمع کرائی گئی ہے۔

واضح رہے کہ نیپرا کی منظوری کی صورت میں اضافی چارجز آئندہ بجلی کے بلوں میں صارفین سے وصول کیے جائیں گے۔