علیمہ کی محسن نقوی، عطا ء تارڑ، عظمیٰ کو طلب کرنے کی درخواست

تفصیلات کے مطابق علیمہ خان کی جانب سے وزیر داخلہ محسن نقوی، وزیر اطلاعات عطاء اللہ تارڑ، صوبائی وزیر عظمیٰ بخاری، صحافیوں سمیت 21 افراد کو بطور عدالتی گواہ طلب کرنے کیلئے درخواست دائر کر دی گئی، اے ٹی سی میں سماعت کے موقع پر علیمہ خان کو سوالنامہ فراہم کیا گیا۔ عدالت نے ملزمہ کی درخواست پر پراسیکیوشن کو نوٹس جاری کر دیا اور کل جواب طلب کر لیا ہے۔

یہ بھی پڑھیں: پنجاب بجٹ: تنخواہوں میں 7، پنشن میں 3.5 فیصد اضافہ تجویز

دوسری طرف جی ایچ کیو حملہ کیس میں بانی پی ٹی آئی سمیت 120 سے زائد ملزموں کے خلاف کیس کی سماعت ہوئی، سابق وزیر داخلہ شیخ رشید احمد عدالت میں پیش ہوئے، ان کو حاضری لگا کر جانے کی اجازت دیدی گئی، انسداد دہشتگردی عدالت کے جج امجد علی شاہ نے سماعت 30 جون تک ملتوی کر دی۔