ڈرائیونگ لائسنس کے خواہشمند افراد کیلئے بڑی سہولت متعارف
تفصیلات کے مطابق حکام نے شہریوں کیلئے ڈرائیونگ لائسنس کے عمل کو آسان بنانے کے لیے لاہور کے 13 سرکاری ہسپتالوں میں خصوصی میڈیکل فٹنس سینٹرز قائم کر دیے ہیں۔
چیف ٹریفک آفیسر لاہور کے مطابق ابتدائی مرحلے میں شہر کے 13 سرکاری ہسپتالوں میں یہ مراکز فعال کر دیے گئے ہیں جہاں شہری بلا معاوضہ میڈیکل فٹنس سرٹیفیکیٹ حاصل کر سکیں گے۔
یہ بھی پڑھیں: 200 روپے کے پرائز بانڈ کی قرعہ اندازی، خوش نصیبوں کا اعلان
ان مراکز میں ڈی ایچ کیو میاں میر ہسپتال، ڈی ایچ کیو میزنگ، جنرل ہسپتال غازی آباد، تحصیل ہیڈ کوارٹرز سبزہ زار، گورنمنٹ ہسپتال سمن آباد، قلعہ گجر سنگھ، شاہدرہ، بلال گنج، سوڈیوال، کاہنہ، رائیونڈ اور سوامی نگر سمیت دیگر ہسپتال شامل ہیں۔
سی ٹی او لاہور کے مطابق کمرشل ڈرائیونگ لائسنس اور 50 سال سے زائد عمر کے درخواست گزاروں کے لیے میڈیکل فٹنس سرٹیفیکیٹ لازمی ہے۔ انہوں نے مزید بتایا کہ جعلی سرٹیفکیٹس کی روک تھام کے لیے جدید ڈیجیٹل ویری فکیشن سسٹم بھی متعارف کرایا جا رہا ہے، جس سے شفافیت میں اضافہ ہوگا۔
حکام کے مطابق اس اقدام سے شہریوں کو سہولت، تیز رفتار سروس اور لائسنس کے اجراء کے عمل میں مزید بہتری حاصل ہوگی۔
