ایک ساتھ 4 چھٹیاں، سرکاری ملازمین کےلئے اچھی خبر آگئی
تفصیلات کے مطابق چاند نظر نہ آنے کے بعد یکم محرم الحرام 17 جون کو ہوگی۔ اس حساب سے 9 محرم الحرام 25 جون بروز جمعرات جبکہ 10 محرم الحرام، یومِ عاشور، 26 جون بروز جمعہ کو ہوگا۔
وفاقی حکومت کی جانب سے ہر سال یومِ عاشور کے موقع پر 9 اور 10 محرم الحرام کو سرکاری تعطیلات کا اعلان کیا جاتا ہے تاکہ ملک بھر میں مجالس، جلوسوں اور مذہبی اجتماعات کے دوران سیکیورٹی اور انتظامی امور کو مؤثر انداز میں یقینی بنایا جا سکے۔
یہ بھی پڑھیں: پنجاب، 16 تا 20 جون صوبہ بھر میں بارشوں کی پیشگوئی
اس بار عاشورہ کی تعطیلات کے فوری بعد ہفتہ اور اتوار کی ہفتہ وار چھٹیاں بھی آ رہی ہیں، جس کے باعث سرکاری ملازمین کو مسلسل 4 روزہ تعطیلات ملنے کا امکان ہے۔
25 جون بروز جمعرات کو 9 محرم الحرام کی سرکاری تعطیل، 26 جون بروز جمعہ کو 10 محرم الحرام یعنی یومِ عاشور کی تعطیل، 27 جون بروز ہفتہ ہفتہ وار تعطیل اور 28 جون بروز اتوار بھی معمول کی چھٹی ہوگی۔
یوں سرکاری ملازمین جمعرات سے اتوار تک مسلسل 4 روز کی تعطیلات سے فائدہ اٹھا سکیں گے۔
