عیدالاضحیٰ کی چھٹیاں کم ہو گئیں، نیا نوٹیفکیشن جاری
نئے فیصلے کے بعد سرکاری ملازمین اور شہریوں کی توجہ تعطیلات کے نئے شیڈول پر مرکوز ہو گئی ہے۔
جاری کردہ نوٹیفکیشن کے مطابق عیدالاضحیٰ کے موقع پر 9 تا 11 ذی الحج 1447 ہجری، یعنی 26 مئی سے 28 مئی تک عام تعطیلات ہوں گی۔ اس طرح سرکاری دفاتر، بعض تعلیمی ادارے اور دیگر سرکاری سرگرمیاں ان تین دنوں کے دوران بند رہیں گی۔
یاد رہے کہ اس سے قبل 22 مئی کو جاری ہونے والے نوٹیفکیشن میں سندھ حکومت نے عیدالاضحیٰ کیلئے 26 مئی سے 29 مئی تک، یعنی 4 روزہ تعطیلات کا اعلان کیا تھا۔ تاہم اب نئے حکم نامے کے تحت تعطیلات کی مدت میں ایک دن کی کمی کر دی گئی ہے۔
سرکاری ذرائع کے مطابق تعطیلات میں تبدیلی انتظامی امور اور سرکاری سرگرمیوں کو مدنظر رکھتے ہوئے کی گئی ہے، تاہم اس حوالے سے مزید تفصیلات جاری نہیں کی گئیں۔
تعطیلات میں کمی کے اعلان کے بعد شہریوں کی جانب سے مختلف ردعمل سامنے آ رہے ہیں، جبکہ کئی افراد نے سفری منصوبوں اور عید کی تیاریوں پر اس فیصلے کے ممکنہ اثرات کا اظہار کیا ہے۔
یہ بھی پڑھیں:کوئٹہ شٹل ٹرین پر فتنہ الہندوستان کا دہشت گرد حملہ
sunonews.tv/urdu/pakistan/1779615060-20304عیدی تعطیلات کے شیڈول میں تبدیلی کے باعث سرکاری ملازمین اور سفر کرنے والے افراد کو اپنی منصوبہ بندی نئے اوقات کے مطابق ترتیب دینا ہوگی تاکہ کسی قسم کی پریشانی سے بچا جا سکے۔
