موٹروے پر سفر کرنے والوں کیلئے اہم ہدایات جاری

جس کے مطابق ہنگامی رابطہ سروس ہیلپ لائن 130 تکنیکی خرابی کے باعث جزوی طور پر متاثر ہے۔

موٹروے پولیس کے اعلامیے میں کہا گیا ہے کہ سسٹم میں تکنیکی مسئلے کے باعث ہیلپ لائن 130 مکمل طور پر فعال نہیں رہی، جس کے پیش نظر شہریوں کی سہولت کیلئے متبادل رابطہ نمبر جاری کر دیے گئے ہیں تاکہ سفر کے دوران کسی بھی ہنگامی صورتحال میں فوری مدد فراہم کی جا سکے۔

اعلامیے کے مطابق موٹروے کے مختلف سیکٹرز کے مخصوص رابطہ نمبرز فعال کر دیے گئے ہیں، جہاں شہری کسی بھی حادثے، گاڑی کی خرابی یا دیگر ایمرجنسی صورتحال میں براہ راست رابطہ کر سکتے ہیں۔ حکام نے واضح کیا ہے کہ امدادی اور ریسکیو خدمات بدستور جاری ہیں اور شہریوں کو بروقت مدد فراہم کی جا رہی ہے۔

موٹروے پولیس نے شہریوں سے اس عارضی تکلیف پر معذرت کرتے ہوئے کہا ہے کہ تکنیکی مسئلے کو جلد از جلد حل کرنے کی کوشش کی جا رہی ہے تاکہ ہیلپ لائن سروس دوبارہ مکمل طور پر بحال ہو سکے۔

یہ بھی پڑھیں:فائرنگ کے افسوسناک واقعے میں امن کمیٹی کے 4 ارکان جاں بحق

مزید بتایا گیا کہ شہری اضافی رہنمائی اور شکایات کیلئے موٹروے پولیس کے آفیشل سوشل میڈیا اکاؤنٹ NHMPofficial سے بھی رابطہ کر سکتے ہیں۔

حکام نے مسافروں سے اپیل کی ہے کہ وہ سفر کے دوران احتیاطی تدابیر اختیار کریں، رفتار کی حد کا خیال رکھیں اور کسی بھی ایمرجنسی میں فراہم کردہ متبادل نمبرز استعمال کریں تاکہ مدد بروقت پہنچ سکے اور سفر محفوظ رہے۔