اس اسکیم کے ذریعے کم آمدنی والے افراد کو پیٹرول کی بڑھتی قیمتوں کے پیش نظر ماہانہ 2,200 روپے تک مالی معاونت فراہم کی جائے گی۔
صوبائی حکومت نے یہ فیصلہ کیا ہے کہ اس اسکیم کے ذریعے موٹر سائیکل، اسکوٹر اور رکشہ مالکان کو ایندھن کے اخراجات میں ریلیف دیا جائے گا جو بڑھتی ہوئی قیمتوں سے متاثر ہو رہے ہیں۔
یہ اقدام رجسٹرڈ گاڑی مالکان کو ماہانہ تقریباً 2,000 روپے کی فیول معاونت فراہم کرے گا۔ حکام کے مطابق اس اسکیم کا مقصد مہنگائی اور پیٹرول کی غیر یقینی قیمتوں کے اثرات سے کم آمدنی والے طبقے کو بچانا ہے۔

مزید یہ پڑھیں: پٹرول پر سبسڈی کیلئے کونسے افراد اہل ہیں؟ جانیے
درخواست دہندگان کو اپنی گاڑی کی ملکیت ثابت کرنے کے لیے رجسٹریشن دستاویزات پیش کرنا ہوں گی جن سے یہ ثابت ہو کہ گاڑی مکمل طور پر ان کے نام منتقل ہو چکی ہے۔
سبسڈی صرف انہی گاڑیوں کے لیے دستیاب ہوگی جو درخواست گزار کے نام پر رجسٹرڈ ہوں۔ حکام نے اعلان کیا ہے کہ شہری 6 اپریل سے باضابطہ طریقہ کار کے تحت رجسٹریشن کر سکیں گے۔
خیبر پختونخوا حکومت صوبے میں رجسٹرڈ موٹر سائیکل مالکان کو 2,200 روپے فراہم کرے گی، جو دو اقساط میں دیے جائیں گے تاکہ عوام ایندھن کی قیمتوں میں اچانک اضافے کا بہتر مقابلہ کر سکیں۔
وزیراعلیٰ سہیل آفریدی کے مطابق اس وقت صوبے میں تقریباً 15 لاکھ موٹر سائیکلیں رجسٹرڈ ہیں اور حکومت رجسٹریشن کے عمل کو مزید مؤثر بنانے کے لیے اقدامات کر رہی ہے۔