انہوں نے کہا کہ حکومت نے شفافیت، مؤثریت اور وقار کو یقینی بنا کر عوامی خدمت میں ایک نیا معیار قائم کیا ہے، مستحق افراد کو مالی امداد بغیر کسی قطار یا پریشانی کے ان کی دہلیز پر فراہم کی جا رہی ہے۔
بدھ کے روز جاری کیے گئے ایک بیان میں انہوں نے کہا کہ نگہبان رمضان دسترخوان سے فائدہ اٹھانے والوں کی مجموعی تعداد 15 لاکھ 78 ہزار 578 تک پہنچ چکی ہے جو اس اقدام پر عوام کے مضبوط اعتماد کی عکاسی کرتی ہے۔
عظمیٰ بخاری نے مزید کہا کہ پورے پنجاب میں مجموعی طور پر 26 لاکھ 8 ہزار 192نگہبان کارڈ موصول ہوئے ہیں جن میں سے 23 لاکھ 2 ہزار 540 کارڈ شہریوں کو ان کی دہلیز پر پہنچا دیے گئے ہیں۔
یہ بھی پڑھیں: بینظیراِنکم سپورٹ پروگرام میں شامل ہونے کا طریقہ جانیے
انہوں نے مزید بتایا کہ عوامی سہولت کے پلیٹ فارم مریم کو بتائیں ایپ کے ذریعے فی فرد 10,000 روپے کی مالی امداد 13,892 شہریوں کو فراہم کی جا چکی ہے جو حکومت کے فوری اور مؤثر ردعمل کے نظام کو ظاہر کرتا ہے۔
انہوں نے مزید کہا کہ مریم نواز پورے صوبے کو ایک خوبصورت اور مثالی خطہ بنانے کے لیے پُرعزم ہیں۔
