اس حوالے سے ڈپٹی کمشنر راولپنڈی حسن وقار چیمہ کی جانب سے باقاعدہ نوٹیفکیشن جاری کر دیا گیا، جس کے مطابق پابندیاں 8 مارچ تک نافذ العمل رہیں گی۔

نوٹیفکیشن کے مطابق شہر میں ہر قسم کے جلسے، جلوس، ریلیوں اور عوامی اجتماعات پر مکمل پابندی عائد رہے گی۔

انتظامیہ کا کہنا ہے کہ یہ اقدام شہریوں کے جان و مال کے تحفظ اور کسی بھی ناخوشگوار واقعے سے بچنے کیلئے اٹھایا گیا ہے۔ قانون نافذ کرنے والے اداروں کو ہدایات جاری کر دی گئی ہیں کہ دفعہ 144 پر سختی سے عملدرآمد یقینی بنایا جائے۔

مزید برآں اسلحے کی نمائش پر بھی مکمل پابندی برقرار رہے گی جبکہ لاؤڈ اسپیکر کے غیر قانونی استعمال کی اجازت نہیں ہوگی، خلاف ورزی کرنے والوں کیخلاف سخت قانونی کارروائی عمل میں لائی جائے گی۔

یہ بھی پڑھیں:کویت میں 2 روزہ عام تعطیل کا اعلان

ضلعی حکام کا کہنا ہے کہ موجودہ حالات کے تناظر میں احتیاطی تدابیر ناگزیر ہیں، شہریوں سے اپیل کی گئی ہے کہ وہ قانون کا احترام کریں اور کسی بھی غیر قانونی سرگرمی سے گریز کریں۔

انتظامیہ نے واضح کیا ہے کہ امن و امان برقرار رکھنا اولین ترجیح ہے اور کسی قسم کی خلاف ورزی برداشت نہیں کی جائے گی۔