اعلامیے کے مطابق وزیراعظم ہیلپ لائن نمبر 9999 پر کال کر کے شہری امدادی پروگراموں سے متعلق معلومات حاصل کر سکتے ہیں۔ اسی طرح 13000 پر بھی رابطہ کیا جا سکتا ہے جہاں مستحق افراد کو حکومتی ریلیف اقدامات سے متعلق تفصیلات فراہم کی جائیں گی۔

حکام نے بتایا کہ راشن کارڈ سے متعلق معلومات اور شکایات کے ازالے کے لیے ہیلپ لائن نمبر 080002345 جاری کیا گیا ہے۔ شہری اس نمبر پر کال کر کے اپنی درخواست کی صورتحال اور دیگر امور کے بارے میں رہنمائی حاصل کر سکتے ہیں۔

یہ بھی پڑھیں: قریبی دکان سے 10000 کی رقم کیسے نکلوائی جاسکتی ہے؟

مزید برآں، مریم کو بتائیں پروگرام کے تحت شکایات یا معلومات کے لیے ہیلپ لائن نمبر 1000 مختص کیا گیا ہے۔ شہری اس نمبر پر کال کر کے اپنی شکایات درج کرا سکتے ہیں یا امدادی اسکیموں کے بارے میں معلومات حاصل کر سکتے ہیں۔

بے نظیر انکم سپورٹ پروگرام کی مستفید خواتین اور دیگر بنفشری افراد کے لیے بھی خصوصی ہیلپ لائن نمبر 080026477 جاری کیا گیا ہے۔ حکام کے مطابق اس نمبر پر رابطہ کر کے ادائیگی، تصدیق یا دیگر متعلقہ معاملات کے بارے میں رہنمائی لی جا سکتی ہے۔

حکومت نے شہریوں کو ہدایت کی ہے کہ کسی بھی غیر مصدقہ ذرائع پر انحصار کرنے کے بجائے صرف سرکاری طور پر جاری کردہ ہیلپ لائن نمبرز پر ہی رابطہ کریں تاکہ غلط معلومات اور ممکنہ فراڈ سے بچا جا سکے۔