یہ بھی پڑھیں: رمضان المبارک میں 10 ہزار حاصل کرنے کا طریقہ جانیے

 رجسٹریشن کا طریقہ کار

حکومت کی جانب سے واضح کیا گیا ہے کہ زیادہ تر مستحق خاندان پہلے ہی سرکاری ریکارڈ میں شامل ہیں، اس لیے انہیں علیحدہ سے درخواست دینے کی ضرورت نہیں ہوگی۔ جن افراد کا اندراج پہلے سے سماجی تحفظ کے پروگرام میں موجود ہے، انہیں خودکار طریقے سے شامل کیا جائے گا۔

البتہ اگر کوئی خاندان خود کو مستحق سمجھتا ہے مگر اس کا اندراج نہیں ہے تو وہ متعلقہ سرکاری دفاتر یا آن لائن نظام کے ذریعے اپنی معلومات کی تصدیق کروا سکتا ہے۔ حکام کا کہنا ہے کہ مستحق افراد کی نشاندہی شفاف طریقے سے کی جائے گی تاکہ اصل حقدار تک رقم پہنچ سکے۔

رقم حاصل کرنے کا طریقہ

اس سال امدادی رقم نقد تقسیم کرنے کے بجائے براہِ راست بینک اکاؤنٹ یا ڈیجیٹل بٹوے میں منتقل کی جائے گی۔ وزیر اعظم نے بتایا کہ ماضی میں یوٹیلٹی اسٹورز پر طویل قطاریں اور ناقص اشیاء کی شکایات سامنے آتی تھیں، جس سے مستحق افراد کی عزتِ نفس مجروح ہوتی تھی۔ اسی لیے حکومت نے نظام کو تبدیل کرتے ہوئے براہِ راست مالی امداد کی پالیسی اپنائی ہے۔

رقم کی ادائیگی کے لیے مرکزی بینک، یعنی اسٹیٹ بینک آف پاکستان نے باقاعدہ طریقہ کار جاری کیا ہے تاکہ ادائیگی شفاف، تیز اور محفوظ ہو۔ مستحق خاندان کو اطلاع موصول ہونے کے بعد وہ اپنی رقم بینک یا منظور شدہ مراکز سے حاصل کر سکیں گے۔

یاد رہے ‏وزیراعظم رمضان پیکیج کے لیے اس لنک سے اپنے گھرانے کی اہلیت چیک کریں۔ ‪pmrrp.nitb.gov.pk

دوسری جانب وفاقی کابینہ کی اقتصادی رابطہ کمیٹی نے 39 ارب روپے رمضان ریلیف پیکیج کی منظوری دیدی۔ وزیرخزانہ محمد اورنگزیب نے امریکا سے ویڈیو لنک پر اجلاس کی صدارت کی جس میں ایک نکاتی ایجنڈے پر غور کیا گیا۔

اعلامیہ کے مطابق وزیراعظم رمضان ریلیف پیکیج 2026 کی منظوری دے دی گئی۔ وزارت تخفیف غربت اور سماجی تحفظ ای سی سی میں سمری پیش کی جس میں پیکیج کےتحت مستحق خاندانوں میں فی کس 13 ہزار تقسیم ہوں گے۔ رمضان کےپہلے ہفتے کےدوران مستحقین کو رقوم منتقل کی جائیں گی۔

حکام کا کہنا ہے کہ رمضان ریلیف پیکیج کی رقم ڈیجیٹل والٹس کے ذریعے تقسیم کی جائے گی، وزیراعظم رمضان ریلیف پیکیج کاحجم 29ارب روپے اس سال بجٹ سے فراہم کیے جائیں گے، وزیراعظم کے رمضان ریلیف پیکیج کیلئے 10 ارب روپے پہلے سے موجود ہیں۔ وزیراعظم رمضان ریلیف پیکیج سے ایک کروڑ 20لاکھ خاندان مستفید ہوں گے۔