تفصیلات کے مطابق سماجی رابطے کی ویب سائٹ ایکس پر جاری اپنے بیان میں قاسم خان نے کہا کہ عمران خان گزشتہ 914 دنوں سے تنہائی میں قید ہیں، اس دوران ان کی صحت مسلسل خراب ہو رہی ہے، مگر انہیں آزاد اور غیر جانبدار طبی سہولیات تک رسائی نہیں دی جا رہی۔

انہوں نے تشویش کا اظہار کرتے ہوئے کہا کہ والد کی بگڑتی ہوئی صحت پورے خاندان کیلئے شدید ذہنی اذیت کا باعث بن چکی ہے۔

قاسم خان کا کہنا تھا کہ کسی قیدی کو مناسب علاج سے محروم رکھنا ظلم کے مترادف ہے، جبکہ بچوں کو اپنے والد سے ملاقات کی اجازت نہ دینا اجتماعی سزا کے زمرے میں آتا ہے۔ انہوں نے خبردار کیا کہ اگر فوری اور سنجیدہ اقدامات نہ کیے گئے تو صورتحال ناقابلِ تلافی نقصان کی طرف جا سکتی ہے۔

یہ بھی پڑھیں:خواجہ آصف نے علیمہ خان کے بیان کو ملکی سالمیت کیخلاف قرار دیدیا

انہوں نے مزید کہا کہ وہ اور ان کے بھائی صرف اپنے والد کی خیریت جاننے اور ان سے ملاقات کے خواہاں ہیں، لیکن ویزا نہ ملنے کے باعث یہ بنیادی حق بھی ان سے چھینا جا رہا ہے۔ قاسم خان نے عالمی انسانی حقوق کی تنظیموں اور مختلف ممالک کی حکومتوں سے اپیل کی کہ وہ اس معاملے کا نوٹس لیں اور اپنی آواز بلند کریں۔

My brother and I are trying to travel to Pakistan to see our father. For 914 days, he has been held in solitary confinement while his health deteriorates and he is denied access to independent medical care.

Now the government is deliberately refusing to process our visas.… pic.twitter.com/L23ZRmRDZj

— Kasim Khan (@Kasim_Khan_1999) February 4, 2026

بیان میں مطالبہ کیا گیا کہ عمران خان کو فوری طور پر مناسب طبی سہولیات فراہم کی جائیں اور اہلِ خانہ کو ان سے ملاقات کی اجازت دی جائے تاکہ انسانی ہمدردی کی بنیاد پر اس مسئلے کا حل نکالا جا سکے۔