پاکستان انٹرنیشنل ایئرلائنز (پی آئی اے) نے مسافروں کو سہولت فراہم کرنے کے لیے محدود مدت کی رعایتی پیشکش کا اعلان کیا ہے جس کے تحت ایم سی بی بینک کے اہل کارڈز سے ادائیگی کرنے پر ٹکٹوں کی قیمت میں 10 فیصد تک کمی کی جا سکے گی۔

ترجمان کے مطابق یہ رعایت31 مارچ 2026 تک دستیاب ہو گی تاہم فی ٹرانزیکشن زیادہ سے زیادہ 10 ہزار روپے تک رعایت حاصل کی جا سکے گی۔

یہ بھی پڑھیں:ہونڈا سِوک 2026 فیس لفٹ ماڈلز کی تعارفی قیمتیں جاری

ایک کارڈ پر ماہانہ دو ٹرانزیکشنز اس سہولت کے لیے اہل ہوں گی جبکہ رعایت کا اطلاق صرف بیس فئیر (اصل قیمت ٹیکس یا اضافی چارجز کے اطلاق کے سوائے) پر ہوگا۔

پی آئی اے کا کہنا ہے کہ یہ آفر مخصوص تاریخوں پر لاگو نہیں ہو گی اور بعض روٹس یا سفری ادوار میں آپریشنل وجوہات کے باعث اس میں تبدیلی یا عارضی معطلی بھی کی جا سکتی ہے۔ ایئر لائن نے رعایت کی شرائط میں وقتاً فوقتاً رد و بدل کا حق بھی محفوظ رکھا ہے۔

واضح رہے کہ یہ رعایتی سہولت صرف پی آئی اے کی سرکاری ویب سائٹ، موبائل ایپ اور نامزد بکنگ دفاتر کے ذریعے ٹکٹ خریدنے پر حاصل کی جا سکے گی جبکہ ایم سی بی صارفین مزید آفرز کے لیے بینک کے ڈیجیٹل پلیٹ فارم پر بھی معلومات حاصل کر سکتے ہیں۔