واقعہ سپریم کورٹ کے سامنے واقع شاہراہِ دستور پر پیش آیا، جہاں چیف جسٹس کے بیٹے کی گاڑی ایک موٹر سائیکل کو بچانے کی کوشش کے دوران بے قابو ہو کر سڑک کے درمیان بنے ڈیوائیڈر سے جا ٹکرائی۔
یہ بھی پڑھیں: محمود خان اچکزئی اپوزیشن لیڈر مقرر، نوٹیفکیشن جاری
ابتدائی اطلاعات کے مطابق حادثہ اس وقت پیش آیا جب شاہراہِ دستور پر ٹریفک معمول کے مطابق رواں دواں تھی۔ اچانک ایک موٹر سائیکل سامنے آنے پر ڈرائیور نے بروقت بریک لگاتے ہوئے موٹر سائیکل سوار کو بچانے کی کوشش کی، جس کے نتیجے میں گاڑی کا توازن بگڑ گیا اور وہ ڈیوائیڈر سے ٹکرا گئی۔ حادثہ اگرچہ شدید نوعیت کا ہو سکتا تھا، تاہم احتیاطی تدابیر اور بروقت ردِعمل کے باعث کسی قسم کا جانی نقصان نہیں ہوا۔
حادثے کی اطلاع ملتے ہی اسلام آباد پولیس اور موٹروے پولیس اسلام آباد کی نفری فوری طور پر موقع پر پہنچ گئی۔ پولیس اہلکاروں نے جائے حادثہ کو گھیرے میں لے کر ٹریفک کی روانی کو بحال کیا اور گاڑی کو سڑک سے ہٹا دیا گیا تاکہ کسی مزید حادثے کا خدشہ نہ رہے۔ پولیس حکام کے مطابق حادثہ محض ایک اتفاقی واقعہ تھا اور اس میں کسی قسم کی غفلت یا تیز رفتاری کے شواہد سامنے نہیں آئے۔
